На овие парламентарни избори партијата „Демократи“ учествува со пратенички листи во сите шест изборни единици. Претседателот на партијата Јорго Огненовски е носител на листата во изборната единица еден, а во петката, односно битолскаа е Ѓорѓи Велјанов.
„Демократи се борат против криминалот во судството и во јавното обвинителство, против корумпирани судии и јавни обвинители. Сакаме како ваши претставници во Собранието, да донесеме ригорозен закон минимум десет години затвор до доживотен затвор.
Ова мораме да го спречиме еднаш засекогаш, затоа што судиите и јавните обвинители уништуваат човечки животи.
Денеска имаме криминалци на улица, а невини луѓе во затвор. Затоа ве повикуваме да гласате за Демократи. Заокружете број 16“ рече од прес конфернција Огненовски.
