Екипата на Пелистер продолжува со негативните резултати, откако попладнево на стадионот “„Петар Милошевски“ во рамките на 26. коло на Првата македонска фудбалска лига загуби од Шкендија со 0-2 (0-0). Првиот дел помина во знак на фудбалерите на Шкендија, но кои немаа некои сериозно шанси за гол, а ударите кон голот на Трајчевски беа од далечина.
Во 65. минута по една одлична тимска акција Маневски погоди за водство на Шкендија од 0-1. Двапати Драгарски и еднаш Љамчевски ја погодија пречката и среќата им го заврти грбот на пелистерци.
Во 78. минута Нафиу од неколку метри ја потврди победата со гол за 0-2. Во следното 27. коло, в недела попладне, Пелистер гостува кај Академија Пандев.
