Општина Новаци започнува постапка за доделување финансиска помош во износ од 10.000 денари по барател, за покривање дел од трошоците поврзани со обука, полагање и стекнување возачка дозвола од Б категорија.
Мерката е наменета за млади жители на Општина Новаци на возраст до 26 години, со цел олеснување на пристапот до возачка дозвола и унапредување на нивната лична и професионална подготвеност.
Целосната информација за условите за учество, начинот на пријавување и потребната документација е објавена на официјалната веб-страница на Општина Новаци, на следниот ЛИНК .
Со оваа иницијатива, Општина Новаци придонесува кон подобрување на можностите за вработување, зголемена подвижност и поголема вклученост на младите во општествениот и економскиот живот. Поддршката има особено значење за младите од руралните подрачја, каде поседувањето возачка дозвола претставува важен предуслов за поголема самостојност и пристап до работни можности. Пријавувањето се врши навремено, сè до исцрпување на предвидениот буџет, по редослед на пристигнати апликации, велат од општина Новаци.
По 10.000 денари поддршка за млади возачи во општина Новаци
