Битолчанката Марија Димовска е светски шампион во кик-бокс. Димовска во финалето на Светското првенство во кик бокс за кадети и јуниори во Будимпешта, Унгарија, славеше 2-1 против Израелката Мија Лијамичев.
Марија го освои првото злато за Македонија на ова СП, а за второто ќе треба да ја почекаме борбата на Силвио Мировски, додека Лука Змејкоски пред неколку минути се закити со сребрен медал.
„Марија победи проитив кикбоксерката од Израел, притоа покажа доминација во сите рунди. Иако и одземаа еден поен на Марија, пак, победи“, изјави кратко по борбата селекторот Дејан Митровски-Урко.
На Светското првенство учествуваат 2256 спортисти со над 3092 натпреварувачки влезови од целиот свет, односно 68 држави.
