Законска обврска за техничката влада е да организира фер и демократски избори, а Либерално-демократската партија останува на европскиот пат ставајќи го интересот на граѓаните и на државата на прво место заедно со пратениците од мнозинството, стои во соопштението на ЛДП за изборот на техничката влада.
„Како партија нема да дозволиме деструктивните сценарија на опозициската ВМРО-ДПМНЕ да успеат само затоа што нивниот најголем проблем е изборот на Талат Џафери кој беше министер и носител на висока функција во периодот на нивната влада во минатото.
Исто така, неодговорно e да се предложат министри, да се прави кворум, а потоа да не се гласа за сопствените министри. Во изминатите години ЛДП покажа дека е партија која е стожер на прогресот и знае да го штити гласот на граѓаните и нивното неприкосновено право за слободно изразување на нивната волја“ стои во соопштението на ЛДП.
