Во хотел Парк се одржа прес конференција по повод овогодинешното издание на Fusion Festival каде како headliner ќе настапи глобалната мега звезда TYGA. На самата прес конференција беа изнесени сите детали околу и за фестивалот, со посебен акцент на тоа дека конечно во Македонија доаѓа актуелна супер звезда од светски ранг и дека со тоа е остварена желбата на десетици илјади фанови од целиот Балкан и пошироко.
„За потребите на фестивалот обезбедена е најдобрата аудио и видео опрема, поддржана со фантастични сценски ефекти“, беше истакнато на прес конференцијата.
Покрај главниот headliner TYGA, на фестивалот ќе настапат и најдобрите македонски претставници на Hip Hop и Trap музиката, Irie Scratch, Dj Shorty P и Young Dadi, а фестивалот ќе го затвори со свој dj set одличниот Ampov.
Irie Scratch изјави: “Огромна е честа и задоволството да се биде на иста сцена со дефинитивно еден од најголемите и најактуелни светски мегазвезди. Од почетокот на мојата кариера песните на Tyga се обавезен дел од мојот сет, како еден од пионерите на современата Hip Hop и Trap музика со безброј хитови и награди”.
Не пропуштајте Fusion Festival 22.06.2022 стадион АРМ – Скопје.
