Средното Општинско Економско училиште „Јане Сандански“, го слави својот Патрон празник. Беше положено цвеќе врз бистата на Јане Сандански од страна на градоначалникот Тони Коњановски и директорката Биљана Јанкуловска.
Се оддржа и литературно читање со творби на ученици од основите и средните училишта на тема: „Најдобриот пријател се наоѓа во моето училиште“, како и социјално-економски дијалог, во кој учениците побараа одговори од образовните институции, бизнис секторот и невладиниот сектор околу тоа колку тие соработуваат со нив и ги оспособуваат за придонес во развојот на бизнисите, но и да бидат пококурентни на пазарот на трудот.
На крај, беше организиран Отворен ден на училиштето во кој учениците го претставија училиштето и своите активности, организации, како и соработката на училиштето со ЦЕФЕ методологијата . Во чест на овој ден, професорката Христина Зариевска, заедно со учениците подготвија видео во кое ја споделија организацијата и работата на училиштето, а учениците ги споделија своите искуства и импресии од учењето во ова училиште. Во видеото, наставниот предмет Учење преку работа кај работодавач, го претставија професорите Александар Цветкоски и Соња Карапашовска.
Свое претставување имаше и координаторот на Младинската организација на училиштето – Целе Јолевски кој истакна дека Младинската организација преку своите идеи, настани и работилници е двигател на промените во училиштето.
