На 22 и 23 септември Територијалната противпожарна единица на Битола со сите свои расположливи средства и човечки ресурси 10 возила и 40 пожарникари од кои некои пожарникари беа и без престан на терен повеќе од 24 до 32 часа, успеа да се справи со неколку пожари на отворен простор од поголеми размери при тоа заштитувајки и спасувајки 11 населени места и повеќе од 6 манастири и 5 цркви без направена материјална штета, велат од таму.
На 22 септември интервенирале во Вашарејца-Лознани-Ивањевци. Заштитено целосно село Лознани, спречено проширување кон соседни села, заштитен манастирот пред селото Лознани , како и манастирот помеѓу Лознани и Новоселани спречено проширување кон населено место Ивањевци. На овај пожар Екипите бile навредувани и попречувани во извршување на своите задачи.
Интервенирале и во Дедебалци-Црничани- Арматуш, како и во Маково -Рапеш. Изразија благодарност на укажаната поддршка и помош на жителите на С. Арматуш.
Следниот ден исто така интервенции во Лознани-Новоселани-Ивањевци. Голема битка пожарникарите водеа со пламените јазици кои од сите страни се закануваја на населеното место Новоселани.
Дедебалци-Црничани-Путурус-Мојно-Мусинци
Велат дека пламените јазици во населено место Путурус каде од сите четири страни огнот навлезе во селото и ветрот кој од минута во минута имаше променлив правец се закануваше кон секоја ќука. ТППЕ Битола со 5 екипи беше во селото и секој обид на пламените јазици да зафатат објект беше спречен.
Голема благодарност во оваа интервенција до мештаните на Путурус, Мусинци, Мојно кои помагаа во линијата за спречување огнот да стигни до селата Мојно и Мусинци
Орле-Маково-Рапеш.
Исто така изразија благодарност до ЈКП Водовод кое со својата цистерна вршеше дотур на вода на возилата на ТППЕ Битола каде и да имаше потреба.
