ТЕРА

REKLAMA???

БИТОЛА СО НАЈГОЛЕМ НЕГАТИВЕН ПРИРОДЕН ПРИРАСТ

Според податоците на Државниот завод за статистика, во четвртото тримесечје од 2022 година, живородени се 4 427 деца и во споредба со истиот период од претходната година нивниот број е намален за 4.7 %. Бројот на умрените лица во четвртото тримесечје од 2022 година бележи намалување од 26.8 % во споредба со истото тримесечје од 2021  година, односно 5 043 лицa, од кои 9 се умрени доенчиња.Природниот прираст е – 616 лица, односно за толку  лица е помал бројот на живородените деца од  бројот на умрените лица. Во ова тримесечје од годината склучени се 2 762 бракови и нивниот број е намален за 2.0 % во споредба со истиот период од 2021 година.За четвртото тримесечје од 2022 година се добиени 339 извештаи за разведени бракови, што претставува намалување од 39.1 % во споредба со истото тримесечје од 2021 година.

Битола е лидер во државата по негативен природен прираст во четвртото тримесечје од 2022 година. За овај период статистиката бележи повеќе умрени лица од живородени деца. Во Битола се родени 156 бебиња, починале 254 лица од кои едно новороденче, со што природниот прираст е -98. Во овај период во Битола се склучиле 98 бракови, а 22 има разводи.

И Прилеп е со негативен природен прираст од -63. Се родиле 145 бебиња, а починале 208 лица.Во четвртото тримесечје од ланската година во Прилеп се склучиле 98 брака, а разводи има 9.

Во Ресен се родиле 22 бебиња, 44 лица починале, природниот прираст е – 22. Се склучиле 14 брака, а овде за ова тримесечје се добиени  4 извештаи за разведени бракови.

Во општина Демир Хисар се родиле 7 бебиња, починале 26 лица, природниот прираст е -19. Во овај период нема разводи, а се склучиле 14 брака.

Крушево е со природен прираст од -15, односно во четвртото тримесечје од 2022 се родиле 15 бебиња, починале 30 лица.Се склучиле 10 бракови, а има два разводи.

Во Новаци се родиле 5 бебиња, а починале 5 лица, со што природниот пристат и тука е негативен и изнесува -8. Разводи во Новаци нема, а склучиле 3 брака.

Општина Могила е единствената општина во Пелагонсикиот регион со позитивен природен прираст. Тој е 1. Статистиката тука регистрира 13 новороденчиња, а 12 лица починале. Во оваа општина се склучиле 8 бракови а разводи нема.

-14 е природниот пристат во општина Кривогаштани каде се родиле 8 бебиња, а 22 лица починале. Се склучиле 9 бракови, а се развел еден пар.

Во Долнени во четвртото тримесечје во маната 2022 се родиле 20 беиња, починале 29 лица. Природниот прираст е -9. За овај период се склучиле 34 бракови, а разведени нема.