Битолските планинари активно се вклучени во заштита од шумските пожари и зачувување на природните богатства на Пелистер, соопптија од националниот парк „Пелистер“.
Националниот парк јавно им се заблагодарува на планинарските друштва и планинарите за потпишувањето на денешниот меморандум за соработка, со што истите континуирано ќе го евидентираат и пријавуваат секое несовесно однесување до ренџерската служба на Националниот парк Пелистер.
Со цел заштита од шумски пожари и зачувување на природните богатства на „Пелистер“, националниот парк „Пелистер“ и планинарските друштва од Битола потпишаа Меморандум за соработка.
Во периодот од 1 јули до 31 август 2025 година, согласно Законот за шуми, се воведува целосна забрана за движење во шумите на територијата на Паркот – со исклучок на:
-лица со писмено одобрение од Паркот
– планинарски друштва со дозвола за движење
Меморандумот има за цел заштита од пожари, одржување на чистота и ред во природата, контролирано движење по означени патеки и навремено пријавување на сомнителни активности.
Од националниот парк ја информираат јавносита доколку некој забележи пожар, отпадоци или сомнителни активности – веднаш да пријав на следните телефони:
Пелистер/Вртушка: 070 281 300 / 071 235 972 / 075 237 267 / 071 401 977 и Брајчино: 072 312 215.
