Екипите на ЈПКД ,„Комунална Хигиена“ Новаци, продолжија со засадување на млади садници со бел бор, исто така во атарот на Село Далбеговци.
Овие денови со заеднички напори на вработените од сите институции во рамките на Општина Новаци, младите и локалното население, вкупно засадивме површина од околу 4 хектари или повеќе од 2.500 садници бел бор.
„Пошумувањето е инвестиција во иднината – во здрава и чиста животна средина за сегашните и идните генерации. Општина Новаци останува посветена на иницијативи кои ќе придонесат за одржлив развој и еколошка рамнотежа, со активна вклученост на целата заедница! За здрава и почиста животна средина“ вели градоначалникот Стевче Стевановски.
Во акциите учествуваа вработените и Советот на Општина Новаци и ЈКП ,,Комунална хигиена”, децата од ОУ ,,Славко Лумбарковски” Новаци и младите.
Фото: Општина Новаци
