ТЕРА

REKLAMA???

ЗА ЕДНА НЕДЕЛА ЧЕТИРИ ЛИЦА ПОЧИНАЛЕ ОД КОВИД, ЕДНО ОД БИТОЛА

Институтот за јавно здравје во последниот извештај информира дека во периодот од 09 до 15 септември тестирани се вкупно 285 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со намалување од 36,5% во однос на минатата недела.

Регистрирани сe 57 нови позитивни случаи, со намалување од 48,6% во однос на минатата недела. Процентот на позитивност се движи од 10,0% до 45,0%, просечно 20,9%.

Во тековната недела, регистрирани се заболени лица во општините од 8 градови. Најголем дел од регистрираните случаи се од Скопје a највисока инциденца е регистрирана во Делчево.

Регистрирани се заболени лица во сите возрасни групи, со најголем број на случаи пријавени во возрасната група над 60 години.

Во текот на минатата недела (09-15.09.2024) со статус „оздравени“ се стекнале 107 лица. Во овој ист период пријавени се 4 починати лица асоцирани со КОВИД-19, од Скопје (2), Битола и Тетово.

Сите починати лица се на возраст над 70 години, 3 од нив се починати во болнички услови, а кај 3 лица се регистрирани коморбидитети. Сите лица се невакцинирани против КОВИД-19.

Во текот на 2024 година, а заклучно со 15.09.2024, регистрирани се вкупно 1.560 заболени и 20 починати лица асоцирани со COVID-19.

Од појавата на првиот случај на КОВИД-19 во РСМ (26.02.2020 година), а заклучно со 15.09.2024, пријавени се вкупно 351.876 заболени лица и  9.999 починати лица асоцирани со COVID-19.

Најголем дел од заболените се регистрирани во Скопје, Битола и Куманово, а највисок морбидитет е регистриран во Кавадарци.

Највисок морталитет се регистрира во Охрид, Кавадарци и Прилеп. Највисок леталитет се регистрира во Струга и Крива Паланка.