Безбедноста на граѓаните нема компромис, вели градоначалалникот на Битола, Тони Коњановски кој вчера присуствуваше на седницата на Управниот одбор на ЗЕЛС, ( Заедница на единици на локалната самоуправа) на кој присуствуваа и градоначалници од поголемите општини во државата.
Темата на состанокот беа вонредните инспекции на објектите од јавен карактер кои се спроведоа во изминатите денови.
„Како општина ќе продолжиме со инспекциите и во наредниот период опфаќајќи не само јавни објекти, туку и станбени згради. Во периодот кој следува ќе направиме се сите безбедносни стандарди во јавните објекти да биде највисоко можно ниво! Исто така, ќе бидат отстранети и сите недостатоци кај приватниот сектор – онаму каде што ќе бидат констатирани, затоа што безбедноста на граѓаните е приоритет број еден“ вели Коњановски.
