Студено време со минусни температури се регистрирани низ целата држава. Во Битола утрово измерени минус 9 степени.
Според податоците на УХМР, најстудено било на Попова Шапка каде се измерени -16 степени, веднаш по неа се Маврови Анови со -14 и Крушево со -13 степени.
Иако во текот на денот ќе преовладува променливо облачно и сончево време, студениот северен ветер повремено ќе засилува, само ќе го зголеми чувството на студ.
Максималните температури денеска во најтоплите делови во државата едвај ќе достигнат 3 степени.
Инаку, според АМСМ, сообраќајот на државните патишта се одвива во зимски услови, по претежно влажни коловози.
