Од денеска почна јавниот увид во Избирачкиот список кој трае 20 дена, односно до 11 септември на полноќ.
Во Битола подрачната канцеларија на Државна изборна комисија работи секој ден од 8:00 до 20:00 часот и тука граѓаните можат да направат увид во избирачкиот список.
Канцеларијата работи и во сабота и недела, а се наоѓа кај „Борово“ во зградата каде што е одделението за матични книги.
Граѓаните, барањето за запишување, дополнување или бришење на податоците во изводите на Избирачкиот список што е ставен на јавен увид ги поднесуваат писмено до подрачното одделение на ДИК или месната канцеларија на подрачјето на живеење, или по електронска пошта до ДИК. Со барањето се приложуваат и потребните докази.
ДИК го потпишува заклучениот Избирачки список, односно изводите од Избирачкиот список на кои се гласа, најдоцна на 3 октомври.
