Центарот за управување со кризи информира дека според информациите од теренот, во земјава се евидентирани вкупно 33 пожари на отворен простор, од кои 7 се активни, 7 се под контрола, а 19 се изгаснати.
Активни се пожарите во Општина Василево, Радовиш и Берово – с. Нивичино, планина Голем Готен и Малешевските Планини (нискостеблеста шума, смрека, грмушки и ниска вегетација), во Општина Прилеп – с. Бешиште, место викано Бешишки Рид (мешана шума, крак кон с. Градешница); во Општина Македонски Брод 4 – с. Црешнево (ниска вегетација); во Општина Штип – с. Драгоево и с. Селце (нискостеблеста шума, прнар и сува трева); во Општина Кочани – с. Нивичани (ниска шума и трева); Општина Карбинци – с. Јунузлија (шума); и Општина Зелениково – с. Гумалево (ниска вегетација).
Под контрола е пожарот во Општина Ресен – с. Долно Перово (трска и ниска вегетација), каде вчера попладне се интервенираше и од воздух.
