ТЕРА

REKLAMA???

СЕ ПОДГОТВУВА „ПИПИ ДОЛГИОТ ЧОРАП“ ВО ПРИЛЕПСКИОТ ТЕАТАР

Во театарот „Војдан Чернодрински“ се подготвува претставата „Пипи долгиот чорап“ од Астрид Линдгрен, во режија на Кристина Димитрова. Драматизацијата на популарниот текст е на Ивана Нелковска. Ова е самостоен проект на театарот „Војдан Чернодрински“, а премиерата се очекува наскоро. Димитрова вели дека како театарски режисер често размислувала кои книги, претстави, серии и филмови и се допаѓале како дете и дека тоа размислување довело до тоа „Пипи долгиот чорап“ да и биде најголемата инспирација.

„Ми се допаѓаше се што беше необично и неконвенционално. Ми се допаѓаа волшебните светови, патувањата во далечните земји и апсурдниот хумор. И бидејќи ми се допаднаа сите овие работи, мојата најголема инспирација е „Пипи долгиот чорап“.Затоа решив да ја поставам на мојата матична сцена, театарот „Војдан Чернодрински“, истакна режисерката.

Во претставата ќе играат Ангела Наумоска, Наташа Ачански, Димитар Ѓорѓиевски, Александар Тодески и Михајло Миленкоски. Сценографијата ја работи Бојана А. Трпческа во соработка со Петко Ристески, костимите се на Христијан Нашуловски, а за музиката е задолжен Томе Темелкоски.

„Пипи долгиот чорап“ e светскa детска класика, преведена на околу осумдесет јазици и дијалекти, а авторката Астрид Линдгрен се смета за една од најпознатите писателки на детски книги ширум светот.Кристина Димитрова досега има режирано претстави во Прилеп, Скопје и во чешкиот град Брно. 

Нејзините професионални ангажмани почнуваат со претставата „Обѕрни се во гнев“ (2016) на Џон Озборн во театарот „Војдан Чернодрински“ во Прилеп. Претставата ги добива наградите: Ристо Шишков – Струмица – Награда за главна машка улога (2016), и награда за колективна актерска игра на фестивалот „Международния фестивал на камернитетеатри на НЕТА – Враца 2018“. Во 2017 година запишува магистерски студии по театарска режија на чешки јазик, во Janáčkova akademie múzických umění (ЈАМU) во Брно, во класата на Јозеф Ковалчук, Бретислав Рихлик и Марек Хорошчак. Работи како асистент на режија во „Východočeské divadlo Pardubice “ на претставата „Злочинот на Калиб“ во режија на Б. Рихлик.

Во 2019 ја режира претставата „Антигона“ на Софокле во „Buran teatr“ во Брно, Чешка, со која и апсолвира на „Janáčkova akademie múzických umění“ во Брно. Истата година излегува со затворена премиера со претставата „Мурлин Мурло“ на Николај Кољада во „Албански театар“ – Скопје (театарот е во процес на отварање). Потоа следуваше претставата Каменот и други.