Градоначалникот на Битола информира дека продолжуваат активностите за реконструкција на улицата „Захарија Шумљанска“, кај Светонеделските гробишта во Битола.
„Активно се работи на поставување ивичници, доградба на тротоар и поставување на нов коловоз. Согласно предвидената динамика, асфалтирањето се одвива постапно, така што дел од трасата е асфалтиран, а следните денови се продолжува и на другите делови од двата краци на улицата. Со реализацијата на проектот, конечно ќе биде исполнето долгогодишното барање на битолчани и улицата ќе биде реконструирана во должина од 1453 метри“ стои во информцијата на градоначалникот Тони Коњановски.
