Хидросистемот Стрежево во моментот располага со повеќе од 72 милиони метри кубни вода во акумулацијата, информира директорот Менде Граматковски.

По главниот канал се испорачуваат околу 9 м3 вода за водокорисниците ( земјоделие, РЕК Битола, индустриски капацитети и вода за снабдување на населението).

Сите цевководи се со максимален проток и водата стигнува до културите насадени на околу 20. 000 хектари во Пелагонија.

“Стрежево” вода за ЈКП “Водовод” во текот на денот испорачува и по 560 литри во секунда.
Од претпријатието апелираат за рационално и наменски трошење на водата.












