На поранешниот италијански премиер Силвио Берлускони (86) му е дијагностицирана леукемија, изјави добро упатен извор за „Ројтерс“.
Берлускони од вчера се наоѓа на одделението за интензивна нега во болницата „Сан Рафаел“ во Милано поради срцеви проблеми и проблеми со дишењето.
Италијанската новинска агенција „Анса“ објави дека состојбата на Берлускони останува сложена, но стабилна и дека лекарите постојано го следат.
Берлускони, кој четири пати беше премиер, во последните години имаше бројни здравствени проблеми, а минатата недела беше пуштен од болница и потоа состојбата му се влоши, по што повторно беше хоспитализиран.
