Со концертот на Каролина Гочева беше отворено битолското културно лето Бит Фест. Над 2000 гости, го исполнија амфитеатарот на античкиот локалитет Хераклеја.

Гочева истакна дека е среќна што после неколку години повторно настапува на едно од најубавите и најпосакуваните места за секој уметник, амфитеатарот во Хераклеа. Претходно таа тука имаше концерт во 2018 година. Таа е еден од најдобрите женски вокали во Македонија, успеа да внесе прекрасна двочасовна атмосфера низ нејзините големи хитови, меѓу кои „Да е сон“, „Од нас зависи“, „Кажи ми“, „За нас“, „Знаеш колку вредам“ и многу други, а на барање на публиката, со повторно враќање на бис, Каролина Гочева, концертот го заврши со песната „Кој да ми запее“.
Минатата година Каролина го работеше проектот со Дуке Бојаџиев и Исмаил Лумановски, кога беше и објавена песната Идила.












