Бројот на загинати во разорниот земјотрес што го погоди Мјанмар се искачи на 2719, додека 4521 лице се повредени, а 441 се водат како исчезнати, се наведува во изјавата на генерал Мин Аун Хлајн, лидерот на воената хунта во земјата. Генералот предвидува дека бројот на жртви би можел да надмине 3000.
Поради големиот број на жртви во земјата е прогласена седумдневна жалост.
Земјотресот со јачина од 7,7 степени, чиј епицентар беше во близина на градот Мандалеј, на длабочина од околу 20 километри, беше почувствуван и во Тајланд и во други азиски земји. Неколку минути подоцна имаше уште еден земјотрес со интензитет од 6,4 степени.
Голем број земји почнаа да испраќаат хуманитарна помош во Мјанмар и Тајланд по силниот земјотрес.
