Обилни дождови предизвикаа поплави во делови од италијанските региони Емилија Ромања и Марке.
Агенцијата Анса јави за две жртви и повеќе исчезнати лица. Во некои области на брегот на Јадранот, луѓето мораа да бидат евакуирани бидејќи поради силниот дожд реките се излеаја од коритата или барем се закануваше опасност да се излеат.
Според Анса, околу 900 луѓе се префрлени на безбедно.
Поради силните ветрови и опасноста од високи бранови, општините на Јадранот издадоа забрана за пристап до нивните плажи.
Силното невреме ги забави и подготовките за трката на Формула 1 во Имола. Од безбедносни причини, италијанската Цивилна заштита нареди да се исчисти падокот на тркачката патека во Имола. Според медиумски извештаи, постои опасност од излевање на блиската река Сантерно, пишува Дојче Веле.
