ТЕРА

REKLAMA???

ПРОДОЛЖУВА ГРАНАТИРАЊЕТО НА ДОЊЕЦК И ЛУГАНС

Руското гранатирање продолжува во областите на Доњецк и Луганск, а украинските сили одбиле неколку напади кои резултирале со уништување на руски тенкови, возила и артилериска опрема, соопшти денеска британското Министерство за одбрана.

Советник на украинскиот претседател кажа дека Володимир Зеленски може да се сретне со рускиот претседател Владимир Путин, но само по победа во војната на истокот на земјата.

„Украинскиот претседател веројатно ќе се сретне со рускиот претседател Путин дури по очекуваната голема победа за источниот регион Донбас“, кажа советникот на украинскиот претседател Михаило Подољак.

Украинските власти кажаа дека очекуваат голема руска офанзива во Донбас. Русија најави промена на воената стратегија фокусирајќи се на истокот на земјата.

Чеченскиот лидер Рамзан Кадиров утринава изјави дека руската армија ќе нападне бројни украински градови, вклучувајќи ги Мариупол и Киев.

Австрискиот канцелар Карл Нехамер денеска во Москва ќе се сретне со рускиот претседател Владимир Путин.

Инаку, со овој потег тој ќе стане првиот европски лидер кој ќе се сретне со шефот на руската држава откако Русија ја започна војната против Украина.

Тој ги повика двете страни да ја прекинат војната и да постигнат прекин на огнот со цел да се отвори патот за воспоставување хуманитарни коридори и целосна истрага за воените злосторства.

Посетата на Нехамер ќе следи по средбата со Зеленски и градоначалникот на Киев Виталиј Кличко во сабота во Украина.