Изминатите неколку часа интензивирани се ракетните напади врз Харков, а вкупно од синоќа загинаа најмалку 12 луѓе.
При нападите повредени се најмалку 20 луѓе. Во денешните напади погоден е и станбен блок.
Украинскиот гувернер на Харковската област, Олех Синехубов, вчера извести за ново гранатирање на градот Харков.
Харков беше под руски оган и во средата, при што во тој напад загинаа шест лица, а 16 беа ранети, според Украинската служба за итни случаи.
Претседателот Володимир Зеленски го нарече нападот од средата „лукав и циничен удар врз цивили без никакво оправдување“.
