Синоќа свечено беше отворен интернационалниот фестивал на монодрамата во Битола со претставата „Само глас“ на МНТ од Скопје.

Во улогите на Таа и Тој играа првенците од ансамблот на Македонскиот народен театар, Звездана Ангеловска и Никола Ристановски, со снимен глас, како и балетанот Мирослав Митрашиновиќ.

Публиката ја поздрави Маја Андоновска Илијевски-директорка на НУ Центар за култура во Битола и организатор на фестивалот, а фестивалот го прогласи за отворен министерката за култура Бисера Костадиновска Стојчевска.


Министерство за култура и Општина Битола финансиски го помогнаа одржувањето на фестивалот.

На годинешното издание вкупно ќе бидат изведени монодрами од 11 земји од светот од врвни авторски, режисерски и актерски имиња.

Претставите ќе се играат на неколку различни сцени низ Битола и тоа во големата сала на Народниот тетар, во големата сала на Центарот за култура, во сцената под ротација, новата сцена.

Денеска е слободен ден на фестивалот, а утре на програмата се:
16 мај, понеделник
20:00ч. Голема Сцена на Центар за култура
Театар „Морузгва“ Загреб, Хрватска
„ ВЛА ВЛА ВЛАВАЈЛАНД КАБАРЕ“
Автор и режисер Иван Лео Лемо
Актер Еција Ојданиќ
22:00 ч. Сцена под ротација
Независен проект во копродукција АВАНГАРТ –Скопје, Македонија „КРИК“
Авторски проект на Енџи Николоска, базиран на текстови од Франка Раме, Ана Исаковиќ, Миња Боговац, вистински приказни и архиви















