Протојереј Ставрофор Златко Костовски ја благослови и трпезата и со присутните се помолија на светецот, Светиот Сава, синот на големиот српски жупан на овие простори Стефан Немања. Образот на Христос го зеде Св. Сава за свој, да ја сочуваме верата и да ја проследиме на тие што доаѓаат по нас- порача отецот.
Денеска низ целиот свет православието го одбележува Св. Сава, српски црковен великодостојник кој се велича како прв Архиепископ и просветител на српскиот народ. Се испраќа порака за меѓусебна љубов и почитување, да се радуваме еден на друг во смиреност, љубов и слога. Историјата изобилува со разногласие за канонското или неканонско формирање на Пеќката Патријаршија која произлегла по распадот на Охридската Архиепископија врз основа на тогашните геополитички барања и распадот на византиската империја, за чија автоќефалност се изборил токму Св. Сава. Но, тој е просветител, најпрвин ги напишал три типтици: Карејскиот, Хиландарскиот и Студеничкиот.
Бројни се житијата, беседите и поуките што ги напишал и проповедал на православното население. Св. Сава често се среќава како лик во српското народно творештво, каде што тој е претставен како благороден, праведен и мудар светец кој им помага на сиромашните и несреќните. И, освен верскиот момент, денот на светецот има национално значење за српскиот народ. Ова е ден на просветата.
Битолската српска заедница, како чувари на традицијата на својот народ, денеска беше на традиционалниот светосавски ручек, што во минатото се сметало за еснафска прослава – со леб, вино и кумови.
Многу занаетчии во Србија го сметале Св. Сава за свој заштитник и неговиот ден го земале како еснафска прослава. Освен тоа, овчарите го сметале и за свој заштитник, па многу обичаи поврзани со денешниот празник се поврзани со волците и добитокот.
Во многу региони овој празник се слави многу свечено и му претходи седумдневен пост.
Постојат многу народни верувања поврзани со „Савиндан“, меѓу кои и дека ако грми на денот на Св. Сава, ќе се случат важни настани. Друго верување вели дека пред овој ден добитокот не треба да се тера во шума, во спротивно сите ќе бидат убиени од волци. Дополнително, денес ништо не треба да се прави со сечила или сечила за да се држат затворени вилиците на волците. Верувањето налага и жените денес да не бојат ништо црвено за волците да не го колат добитокот.
Ова е само дел од традицијата и добриот соживот што Србите го граделе го градат сега, тука и овде, вели Зоран Жугиќ, претседател на Заедницата на Србите.
Инаку, централната прослава на овој празник се случува на денот во Скопје. Се очекува присуството на високи политичари од владата на соседна Србија, присуството на српскиот патријарх Порфириј, врвни уметници, истовремено и бројни претставници на македонската влада, кои во текот на денот се обратија до заедницата со свои индивидуални честитки.
