Украинската армија објави дека воздушната одбрана во Киев одбила нов „масовен“ напад на руски беспилотни летала врз градот.
„Русија повторно го нападна Киев од воздух“, напиша Серхи Попко, шефот на цивилната и воената администрација на Киев, на апликацијата за пораки Телеграм.
Воздушниот напад на градот траеше повеќе од три часа.
Украинскиот претседател Володимир Зеленски ја обвини Русија за тероризирање на Украинците откако неговата војска објави дека соборила 36 нападни беспилотни летала од Иран.
Тоа беше 12-ти руски напад со беспилотни летала од почетокот на мај, а последниот беше пред четири дена, пренесува агенцијата Франс прес.
Воздушна тревога била забележана и во градовите Харков и Черновци.
