Најмалку две лица загинаа, а 19 се повредени во пукање во ноќен клуб и околните улици во Осло.
Според локалните медиуми, во тој клуб се одржувал настан во врска со парадата на гордоста која требаше да се одржи денеска во Осло, но е откажана.
Инцидентот се случил околу еден час по полноќ.
Норвешката полиција добила повик за масовно пукање во центарот на градот, а откако пристигнале успеале да го совладаат напаѓачот.
Дел од медиумите пишуваат дека полицијата го третира настанот како терористички напад.












