Детски џагор, смеа и игра е сликата која што деновиве ја има во трите нови детски паркови, лоцирани во близина на ОУ „Климент Охридски“, во населбата „Карпош“ и во Долно Оризари, велат од Општина Битола.
„Градоначалникот на општина Битола Тони Коњановски, денес ги посети новите паркчиња и се сретна со локалното население, кое во тоа време заедно со нивните деца, беа во паркчињата.
Жителите на населбите изразија задоволство од новите катчиња за најмладите, кои освен новите реквизити, располагаат и со урбана опрема, а пред се обезбедуваат сигурност за децата во регулиран заграден простор“ стои во информацијата од општината.
Проектот во вредност од 4.600.000 денари, средства од Бирото за рамномерен развој, се реализираше во партнерство со Центарот за развој на Пелагонискиот плански регион.
