115 дипломи од прв и втор циклус на студии на Бизнис Академијата Смилевски денеска на свечена церемонија им беа врачени на дипломците, односно на 15-та генерација.
На свечената цеременија беа присутни нивните професори, ментори, родители и останати гости.
На присутните им се обратија директорката на БАС, проф. д-р Гордана Тасевска, основачот на академијата проф. д-р Цветко Смилевски, кој доби подарок за неговиот роденден кој беше пред неколкуи дена, а беше кажано дека дипломите секоја година ќе се доделуваат на денот на неговиот роденден.
На присутните им се обрати и менаџерот за развој проф. д-р Тони Соклевски, како и проф. д-р Маја Кузмановска, која од име на академијата на нивниот поранешен колега, таткото на починатиот Филип Стевановски кој настрада во пожарот во Кочани, му врачи стипендија за прв и втор циклус на струдии на неговата внука, односно ќерката на починатиот Филип.
