„СДСМ покажува на дело што значи непосредна демократија! Гласаме за претседател и заедно градиме подобра и поправедна иднина“ вели претседателот на ОО на СДСМ Битола, Методија Куновски на денешното гласање за избор на претседател на партијата.
Сите активно регистрирани членови на СДСМ денеска од 8:00 до 20:00 часот можеа да го остварат своето право на непосредно и тајно гласање за избор на Претседател.
Над 23 илјади членови имаа право да гласаат на 78 избирачки места низ државата. Венко Филипче беше единствен кандидат.
Досегашниот претседател на СДСМ Венко Филипче доби четири годишен мандат за лидер на денешните директни внатрепартиски избори на кои беше единствен кандидат. На 78 избирачки места низ земјава од 23.720 запишани члена гласале 18.140 или 76,5% од запишаните. Од нив 18.001 член гласал за Филипче, а неважечки се 131 ливче.
