Малите диви депонии создадени од несовесни граѓани се еколошки проблем на Битола што се чини дека малку потешко се надминува.
Несовесните граѓани коишто фрлаат отпад кадешто ќе им текне и на тој начин создаваат диви депонии, никако да ги сменат лошите навики и да престанат да ја нагрдуваат сликата за Битола.
Малите депонии во градот под Пелистер, што ги создаваат несовесните граѓани никнуваат како печурки по дожд. Тоа што особено ги загрижува битолчани е што еколошката свест кај некои сограѓани е на многу ниско ниво, и токму затоа постојат мали депонии во градот што не само што се повторуваат, туку и по генерални чистења, постојано никнуваат нови, со отпад и ѓубре.
Општиот заклучок е дека граѓаните треба без исклучок да придонесуваат за почиста и поздрава животна средина, и час поскоро да престанат со своето несовесно однесување секојдневно да ги обновуваат старите и да создаваат нови диви депонии.
Една таква мини депонија има и во делот на поранешната Касарна. Не е реткост и сликата, несовесни граѓани и централните подрачја во градот да ги нагрдуваат и загадуваат со градежен шут, стари апарати за домаќинство, стара облека и мебел.
Инаку, овој проблем со дивите депонии го имаат и речиси сите градови од државата а подигнувањето на јавната свест за чиста и здрава животна средина е од големо значење, за да се подобри секојдневното живеење на граѓаните.
Селектирањето и рециклирањето на отпадот и подигнувањето на еколошката свест, несомнено дека се од круцијално значење за чиста и здрава животна средина. Но, очигледно, ваквата свесност некои сограѓанитешко ја разбираат.
