НА ТРОТОАРОТ ПОКРАЈ ГЛАВНАТА УЛИЦА ВО ДЕМИР ХИСАР, ОДНОСНО УЛИЦАТА БИТОЛСКА, ИЗГРАДЕН СО ЈАВНИ СРЕДСТВА МОЖАТ ДА СЕ ЗАБЕЛЕЖАТ ОШТЕТУВАЊА. НА ПОВЕЌЕ МЕСТА СЕ ЗАБЕЛЕЖУВААТ ИСКРШЕНИ И ПРОПАДНАТИ ПЛОЧКИ, НЕРАМНИНИ И ИСПАКНАТИ ДЕЛОВИ КОИ ПРЕТСТАВУВААТ РИЗИК ЗА БЕЗБЕДНОСТА НА ПЕШАЦИТЕ. ИАКО ПРВИЧНО БЕШЕ НАЈАВЕН КАКО ПЕШАЧКА ПАТЕКА, ТЕРЕНСКАТА СОСТОЈБА ПОКАЖУВА ДЕКА ТРОТОАРОТ ЧЕСТО СЕ КОРИСТИ КАКО ПАРКИНГ ПРОСТОР. ВОЗИЛА СЕ КАЧУВААТ ВРЗ НЕГОВАТА ПОВРШИНА, ШТО ДОПОЛНИТЕЛНО ПРИДОНЕСУВА ЗА НЕГОВО ЗАБРЗАНО УНИШТУВАЊЕ. ФОТОГРАФИИТЕ ОД ЛИЦЕ МЕСТО ПОТВРДУВААТ ДЕКА ДЕЛОВИ ОД ТРОТОАРОТ ВЕЌЕ СЕ ОШТЕТЕНИ, И ПОКРАЈ ТОА ШТО СЕ РАБОТИ ЗА РЕЛАТИВНО НОВА ИНФРАСТРУКТУРА.
