Поради високите летни температури битолчани, иселениците и туристите спас од жештините бараат покрај градските чешми. Најфреквентни се оние кај Саат кулата и во Старата битолска чаршија. Сепак, иако овие чешми сè спас од летните горештини, сликата ја расипуваат несовесните граѓани кои оставаат отпад околу нив.
Околу чешмите неретко може да се забележат расфрлани пластични амбалажи и отпад кои ги оставаат несовесни минувачи, нарушувајќи ја сликата за овој дел од градот.
Дополнително, иако чешмите се функционални и од нив тече вода, сепак се гледа дека повеќето се дотраени и оставени на забот на времето.
Во старата битолска чаршија околу чешмите редовно се собираат и пазарџиците и дуќанџиите, за кои ова е единствениот начин брзо да се разладат за време на работните обврски.
Оттука, битолчани велат дека градските чешми остануваат вистински извор на освежување во овие врели денови. Но, за тие да останат функционални и репрезентативни, потребни се две нешта – повисока еколошка свест кај граѓаните, но и нови, модерни чешми кои ќе му дадат нов лик на најпосететните .
