Сирогојно, мало село на планината Златибор во Србија, е познато по својата традиција на плетење џемпери. Девојките тука често учат да плетат пред да научат да пишуваат, а првиот џемпер го изработуваат уште на 7-годишна возраст. Иако бројот на плетачки е намален, оваа уметност продолжува да живее благодарение на посветеноста на жените од селото кон овој моден тренд.
Волната за изработка на џемперите доаѓа од локалните овци што се стрижат на пролет. По обработката, жените ги плетат џемперите, црпејќи инспирација од пејзажите на Златибор и традиционалните дрвени куќи.
Организираното производство започнало во 1960-тите, благодарение на дизајнерката Добрила Смилиониќ. Џемперите од Сирогојно станаа светски познати, носени од личности како кралицата Елизабета, Ненси Реган и Јованка Броз. Тие се продавале и на престижната 5-та авенија во Њујорк.
Џемперите од Сирогојно денес се продаваат во бутици во Јапонија, Канада, САД и Европа. Оваа приказна е доказ за тоа како зачувувањето на традицијата може да стане основа за промовирање на локалното, културно наследство и неговата одржливост.
Младите модни дизајнери, иако во намален број, ја оживуваат оваа традицијата, претворајќи ја во глобален феномен.
Извор: DW
