Општина Битола го објави јавниот повик за доделување на финансиски средства од Буџетот на општината на спортски клубови, спортски здруженија и спортисти за 2024 година.
Според соопштението од општината, право на учество на јавниот повик ќе имаат спортски клубови, спортски здруженија, спортисти во сениорски и младински категории, како и другите физички и правни лица од областа на спортот чиешто регистрирано седиште односно живеалиште се наоѓа на подрачјето на Општина Битола.
Основни услови за доделување на финансиска поддршка на спортските клубови, спортските здруженија и спортистите во Општина Битола се:
-да го поттикнуваат и унапредуваат соодветниот спорт;
-да го популаризираат масовниот спорт и опфатот на што повеќе млади во населените места;
-да ја реализираат програмата за развој на спортот;
-да организираат и спроведуваат систем на натпревари во одредени спортови и категории;
-да се грижат за унапредување на стручната работа и усовршување на стручните кадри во спортот;
-да поттикнуваат постигнување на врвни резултати;
-да се грижат за унапредување на младите категори;
-да учествуваат во национални спортски федерации или настапуваат на натпревари од национален и меѓународен карактер;
-да се натпреваруваат од највисок ранг на домашни спортски првенства;
-своите активности и програми да ги реализираат на подрачјето на Општина Битола;
За начинот за пријавување повеќе информации на веб страницата на Општина Битола.
Рокот за поднесување на пријавите започнува од 12.07.2024 година и трае заклучно со 29.07.2024 година.
Финансиската поддршка согласно програмата за активностите во областа на спортот и младите во Општината Битола за 2024 изнесува 1.500.000,00 денари за спортски клубови/спортски здруженија и 500.000,00 денари за индивидуални спортисти.
