Централната изборна комисија на СДСМ за денешните спроведени внатрепартиски избори соопшти дека според освоените гласови, Венко Филипче е избран за нов претседател на СДСМ.
За него гласале 9052 членови, за Јован Деспотовски гласале 2505, за Александар Бајдевски 905, а за Славјанка Петровска 190 членови. Имаше и 174 неважечки ливчиња.
Престедателката на Централната изборна комисија Викторија Аврамовска-Мадиќ рече дека денешните избори поминале во фер и демократска атмосфера, а излезноста беше 54 проценти.
