Денеска наутро по одделни котлини беше магливо. Во текот на денот времето е променливо облачно со сончеви периоди. Минималната утринска измерена температура е 2 степени Целзиусови. Во текот на денот, дневната температура ќе биде во интервал од 15 до 18 степени Целзиусови.
Од УХМР прогнозираат дека кон крајот на денот и во текот на ноќта во северозападните делови ќе има услови за слаб локален дожд. Ќе дува умерен до засилен ветер од јужен правец (над 60 km/h).
Максималната температура ќе биде во интервал од 15 до 19 степени.
Следува период на променливо облачно време со повремени врнежи од дожд. Утре и во среда наместа врнежите ќе бидат пообилни (над 30 l/m²). Ќе дува умерен до засилен ветер од јужен правец (локално над 60 km/h).
