Поранешниот репрезентативен капитен, денес успешен тренер, Иван Марковски ја започна својата тренерска авантура во Кина. Првиот македонски тренер кој ќе работи во најмногубројната земја на светот го одржа првиот состанок и тренинг во новиот клуб, Шандонг од Веихаи.
Марковски почнува нов предизвик, нов проект во женскиот ракомет во Кина и ќе се обиде да ги постави контурите во земја која е во развој во светот на ракометот. Битолчанецот веќе потпиша договор со еден од најдобрите кинески клубови на три и пол години, а во тек се разговори и со тамошната федерација нешто подоцна да ја преземе селекторската функција на женската репрезентација.
За Марковски ова не е прво интернационално искуство во женскиот ракомет, бидејќи претходно работеше во Франција како тренер на женскиот тим на Авенуа.
Како ракометар Марковски играше во Хрватска, Шпанија, Саудиска Арабија…
