Ракометната репрезентација на Македонија загуби од Холандија со 37-32 (18-15) во вториот натпревар одигран на Светското првенство во ракомет во салата во Вараждин, Хрватска.
Селекторот на македонската ракометна репрезентација, Кирил Лазаров им честиташе на Холанѓаните по победата над нашата репрезентација со 37-32.
Тој изјави дека мора да се погледнат грешките направени од овој натпревар и дека можеби не бевме доволно добри за да победиме.
„Можеби Холандија е подобра од нас, ама се боревме многу и верувавме дека можевме до позитивен резултат“, изјави Лазаров.
Македонија последниот натпревар од групната фаза го игра против репрезентацијата на Гвинеја во недела и со победа има шанса за пласман во втората фаза.
МИА
