Денес во Битола и околината се најавени повеќе прекини во снабдувањето со електрична енергија.
Во раните утрински часови, од 06:30 до 07:00 часот, беше планиран краткотраен прекин во населбите Јенимале и Карпош, централното градско подрачје, на улицата „Боримечка“ и „Индустриска“, како и во селата Новаци, Рибарци, Добромири, Агларци, Логоварди, Далбеговци, Дедебалци, Алинци, Путурус, Мојно, Орле, Трап, Будаково, Рапеш, Маково, Паралово, Долно Ореово, Грумази, Мегленци и Арматуш, како и кај браната РЕК и Квасара, со околните стопански објекти.
Од 08:25 до 09:30 часот, прекин е најавен во дел од селото Долно Оризари. Од 08:30 до 13:00 часот, без електрична енергија ќе бидат делови од улиците „25-та“, „26-та“ и „Мирка Гинова“.
Од 09:30 до 12:00 часот, без струја ќе бидат улицата „Бистра“, дел од улиците „Индустриска“ и „Прогрес“, како и објектите на „Македонија пат“.
Од 12:00 до 15:00 часот, прекин е најавен на улицата „Елпида Караманди“, делови од улиците „Кичево“ и „Никола Тесла“, улицата „Маркс и Енгелс“ и дел од улицата „Кочо Палигора“, со околните објекти.
Во однос на водоснабдувањето, нема потврдена најава за денешен прекин на водата во Битола.
