На снегот што наврна во повеќе делови на Македонија, очекувано, најмногу му се израдуваа најмладите.
На снежните радости кај децата им немаше крај.
Така беше и во селото Подмочани, едно од најголемите и најстарите села во Преспанскиот регион кадешто владееше вистинска зимска идила.
Од видео објавено од Кајак.мк може да се виде како синоќа мештаните од селото сами се организираат за на децата да им обезбедат бесплатна радост, а тие да уживаат во скијањето.
Ова е уште еден доказ дека за детската среќа не треба многу.
