Македонскиот фудбалски репрезентативец Езџан Алиоски, заедно со своите колеги од фудбалскиот клуб Фенербахче активно се вклучи во обезбедувањето средства и производи како помош на настраданите региони во Турција, погодени од разорниот земјотрес.
Имено деновиве Цела Турција и сите земји од светот се мобилизирани за помош и поддршка на настраданите во тешко погодените подрачја од катастрофалните земјотреси на југот на Рурција во понеделникот наутро. Се организираат бројни хуманитарни акции во многу сфери во општеството, па така и во спортот.
Токму турскиот фудбалски гигант Фенербахче чиј член е македонскиот репрезентативец, Езџан Алиоски, е дел од тие акции. Популарниот Џани, е снимен како купува топла облека што подоцна ја спакува и ја донираше за настраданите луѓе во земјотресот.
Тој исто така помага во акцијата на Фенербахче заедно со фудбалерот Линколн Хенрик за пакување и пренос на пакетите помош за настраданите во Турција. Камионите со амблемот на клубот тргнаа до крајната дестинација до оние на кои средствата им се најпотребни.
