7 АПИЛ Е ДЕН НА КОЈ ПРЕД 33 ГОДИНИ ПРВПАТ ЗАПОЧНА СО ЕМИТУВАЊЕ ПРОГРАМАТА НА ТЕЛЕВИЗИЈА ТЕРА. НЕ СЛАВИМЕ САМО БРОЈКА СЕГА ВЕЌЕ СЛАВИМЕ НАСЛЕДСТВО. ВЕЌЕ 33 ГОДИНИ, НАШАТА ТЕЛЕВИЗИЈА Е ПУЛСОТ НА ОВАА ЗАЕДНИЦА – ПРОЗОРЕЦОТ ПРЕКУ КОЈ ГИ ГЛЕДАТЕ ВАШИТЕ СОСЕДИ, ВАШИТЕ УЛИЦИ И ВАШИТЕ ПРИКАЗНИ. И НИЗ СИВЕ ОВИЕ ГОДИНИ, ТЕРА Е НА СТРАНАТА НА ГЛЕДАЧИТЕ.
Од зрнестите снимки во раните 90-ти, па сè до светот со висока дефиниција во 2026 година, растевме заедно со вас. Бевме тука за вонредните вести што го менуваа нашето секојдневие, за локалните фестивали што нè обединуваа и за малите човечки приказни што нè потсетуваа зошто ова место го нарекуваме свој дом.
33 години ја градиме довербата – вашата доверба кон нас, но што е поважно во последно време, довербата кон медиумите и новинарската професија. Од аналогните ленти до дигиталниот стриминг, социјалните мрежи, ги прифативме сите промени за да бидеме со вас почитувани, за зачувување, истовремено и градење на нашата заедничка историја.
Без разлика дали нè следите од првиот ден или ни се придруживте неодамна, знајте, ние сме присутни во вашите домови повеќе од 12.000 денови и, тоа е привилегија која никогаш не ја земаме здраво за готово.
До тимовите на ТЕРА – поранешни и сегашни – сите кои работат зад камерите, на режисерскиот пулт, и пред објективот: ви благодариме за вашата страст и добра мисла со која пристапувате.
Малото свртување наназад кое е неминовно на ваков ден и погледот кон иднината посочува на нашата мисија – да ги раскажуваме приказните на градот со интегритет.
