Во последните денови Шпанија е зафатена од првиот летен топлотен бран со екстремно високи температури кои и денеска надминаа 40 степени Целзиусови.
Во Мадрид вчера на некои места се евидентирани 45 степени Целзиусови, а екстремно високи температури се забележани и во јужните градови Севиља и Кордоба.
Тимовите за цивилна заштита во регионот на Андалузија на југот на земјата, каде температурите исто така достигнуваат до 44 степени, се во состојба на готовност.
