Во прекрасна навивачка атмосфера полна адреналин, синоќа за првпат под рефлекторите на стадионот „Петар Милошевски“ се одигра големото дерби помеѓу вечните ривали, Пелистер и Вардар.
Со голот на Мирко Ивановски во 92-рата минута, Пелистер излезе како победник. Ова историско дерби донесе огромна радост за битолчани и нивните верни навивачи, кои во единство ја славеа победата.
Фудбалерите на ФК Пелистер, со овој успех на првиот ноќен натпревар, им го честитаа празникот „4-ти Ноември“ на своите сограѓани.
Честит празник, Битола!
Фото: Општина Битола
