Со „Вечниот Бог“ во изведба на Детскиот хор „Свети Стилијан“ од Битола започна синоќа Божиќниот концерт во Офицерскиот дом во Битола.
На концертот присуствуваа неговото високок преосвештенство Митрополитот Преспанско-Пелагониски и администратор Австралиско-Новозеландски г. Петар, градоначалникот на општина Битола Тони Коњановски, како и голем број присутни граѓани, кои имаа можност да уживаат во звуците на црковната музика.
„Христос се роди. Вечерва ќе настапат три хора. Дестското црковно хорче „Свети Стилијан“ кое што е формирано пред 7 до 8 месеци отприлика , Машкиот византиски хор Свети Нектариј Битолски и, коишто настапуваат редовно во Храмот Пресвета Богородица и машкиот Византиски хор „Свети Ахил Преспански“ од Ресен. Ќе се отпеат бројни композиции вечерва, а добар дел ќе се изведат во чест на големиот празник. Овај концерт се случува на покана на општина Битола, со благослов на неговото високопреосвештенство митрополитот Петар и се надеваме дека ова ќе прерасне во традиција на задоволство наше а и на битолчани“, изјава Игор Гулевски, протопсалт.
Со црковни музички дела настапија и машкиот хор „Свети Нектариј Битолски“,и хорот „Свети Ахил Преспански“ од Ресен.
Божиќниот концерт се одржа како дел од чествувањето и одбележуавњето на Божиќните празници кој годинава Општината го организираше по втор пат.
