На последната седница на Советот на Општина Битола, советникот од ВМРО ДПМНЕ Бојан Бојкоски рече дека во Битола има организирана група која што работи во болница и адвокати кои прават организиран криминал на маката на Битолчани.
„Им се јавуваат на луѓето кога ќе ги каснат кога ќе одат во болница, им се јавуваат и му велат јас ќе ти бидам адвокат“ рече Бојкоски и ги повика надлежните институции, полицијата и јавното обвинителство да го испитаат овој случај.
Вели треба да се испита и дали има лажни каснувања.
