Денес почина доајенот на македонската ликовна уметност Илија Аџиевски на 97 годишна возраст.
Илија Аџиевски е роден во Струга во 1926 година. Академија за ликовна уметност завршил во Загреб во 1954 година, во класата на професорот Франо Кршиниќ.
Автор е на голем број споменици, монументални керамички релјефи, парковски скулптури, портрети на познати личности од јавниот и културниот живот.
Учесник е на значајни национални и интернационални изложби.
Погребот е закажан за среда на 25.10.2023 година во 14.00 часот, на градските гробишта во Струга.
